Murns

Murns
De Klokkestoel fan Murns
Bestjoer
provinsje	Fryslân
gemeente	De Fryske Marren
Sifers
Ynwennertal	105 (1 jannewaris 2025)
Oar
Postkoade	8573
Tiidsône	UTC +1
Simmertiid	UTC +2
Koördinaten	52° 52' NB 5° 27' EL
Offisjele webside
Webstee fan Bakhuzen, Murns en Riis
Kaart
Kaart
Himrik fan Murns yn de eardere gemeente Gaasterlân-Sleat

Murns is in doarp yn de gemeente De Fryske Marren. Murns leit súdlik fan Bakhuzen oan de Iselmar. Oant 1955 foarme Murns mei Bakhuzen ien doarp. It doarp hat 105 ynwenners (1 jannewaris 2025).

Skiednis

Yn 'e 13e iuw waard de plaknamme Midlinghe neamd. Oare nammen wiene Midlinghe of Middelingh (1325), Middelen (1399), Midlutze (1414), Mirlense (1505), Myrns (1537) en Myrlns (1544). De plaknamme soe nei alle gedachten der op tsjutte dat it in plak yn 'e midden lei en fan it Aldfryske Middila stamme.

Op it begraafplak stiet ek ien fan de klokkestuollen yn Fryslân. Oant midden 18e iuw stie dêr in tsjerke. Yn de Twadde Wrâldkriich is de eardere klokkestoel fernield troch in delstoartend fleantúch.

Omkriten

Murnzer Klif

It Murnser Klif jout in moai útsjoch oer de eardere Sudersee. By moai waar is Inkhuzen te sjen. De earste kilometer foar de kust bestiet út helder ûndjip wetter. Tusken Murns en Riis leit de Rysterbosk.

By de Iselmar stiet yn it natoergebiet De Mokkebank in lytse wynmotor.

Mienskip

Murns wurket op it mêd fan ferieningslibben in soad gear mei Bakhuzen en Riis. It doarpsbelang komt op foar de belangen fan de trije doarpen. Doarpskrante Op 'e Hichte ferskynt alle moannen.

Ynfrastruktuer

Bustsjinst

Troch Murns rinne de folgjende buslinen:

• Line 44: Boalsert - Snits fia Gaasterlân
• Line 103: Starum - Himmelum

De buslinent troch Murns wurde fersoarge troch Qbuzz.

Strjitten

Breelenswei, Murnserdyk, Wieldyk.

Galery

• 
  Klokkestoel fan Murns
• 
  Wynmotor Murns
• 
  Oarlochsmonumint Murns
• 
  Plaknammeboerd

Sjoch ek

• Fryske doarpen

Keppelings om utens

• Side Bakhuzen-Murns-Riis
• FB-side Bakhuzen-Murns-Riis

Boarnen, noaten en/as referinsjes:

Oer Bakhuzen en omkriten Skearmuseum Commons Wikimedia Commons  Ofbylden dy't by dit ûnderwerp hearre, binne te finen yn de kategory Murns fan Wikimedia Commons.