Hivy metal muisic

Hivy metal
Stylistic oreegins	Blues rock, psychedelic rock, garage rock
Cultural oreegins	Late 1960s, Unitit Kinrick an Unitit States
Teepical instruments	Electric guitar • bass guitar • drums  • vocals • keybuirds
Subgenres
Black metal • daith metal • doom metal • glam metal • gothic metal • groove metal • pouer metal • speed metal • stoner metal • thrash metal • tradeetional hivy metal
Fusion genres
Alternative metal • avant-garde metal • Christian metal • crust punk • drone metal • fowk metal • funk metal • grindcore • grunge  • industrial metal • metalcore • neo-classical metal • nu metal • post-metal • progressive metal • rap metal • sludge metal  • symphonic metal • Viking metal
Regional scenes
Australie • Bay Aurie • Brazil • Breetain • Germany • Unitit States • Scandinavie
Ither topics
Fashion • baunds • umlaut • blast beat • subgenres

Hivy metal (aften juist cried Metal) is a kynd o muisic that grew oot o blues rock at the hinderend o the 1960s. sin syne it haes seen mony sub-genres growe oot o it, the feck o thaim beirs little if ony relation tae blues rock the nou. Metal fans is aften cried "metalheids", the aulder term "heidbangers" isna aften uised thir days.

Owerview

Takkin tift frae sic Hivy Rock an Blues Rock acts as Jimi Hendrix, Cream an The Who, baunds sic as Black Sabbath, Deep Purple an Led Zeppelin (aw begoued in 1968) stairtit muivin their muisic a mair amplifee'd gate. It wis in 1968 that The Beatles pit oot their sel-teetelt album, featurin the proto-metal sang Helter Skelter. Sin syne, metal haes aye haed a presence on the muisic scene, for orindar on the freenges, but aye strang athin itsel. In the aichties, metal stairtit tae rax oot intae mony new forms, an haes duin sae e'er syne (see ablow).

Tho metal baunds seendle kythey in the UK chairts (wi twa-three kenspeckle exceptions sic as Iron Maiden an Black Sabbath), it haes a strang folloaein as the attendances at festivals sic as Download s' shaw. Ootwi the UK, metal haes mony stanghauds - sic as Finland, Norawa, Swaden, Japan an Mexico, whaur metal haes a muckler follaein an isna sae mairginalised.

Deeferent Kynds o Metal

It wisna realley till the aichties that metal skailt intae the mony forms it haes the day. Till than, it wis maistlins whit we nou cry Tradeetional Metal, but syne raxed oot intae new muisical airtins aither throu creativity or ane-upmanskip tae evolve the mony strynds o metal played the nou.

Tradeetional

As the name wad sugeest, Tradeetional Metal is taen frae the pioneers o the genre, specially Black Sabbath an Judas Priest. This is for ordinar aggressive, tho no nearly sae muckle as some o the mair extreme forms (Daith, Black, Grindcore) an for ordinar uises clean, melodic liltin raither nor the hersh growled vocals o the extreme styles. Sangs anent metal an metal cultur is common.

New Wave o Breetish Hivy Metal

Aften juist written as NWOBHM, this wis a style that growed oot the Breetish (specially the Lunnon) scene in the early 1980s. No mony o the baunds frae this scene haes won on tae lestin fame, twa expections bein Saxon an Iron Maiden.

Power Metal

Pouer metal stairtit in the aichties an aw, led bi baunds sic as Helloween an Running Wild, baith frae Germany. Its popularity haes been gien a muckle heize recent thanks tae baunds sic as HammerFall an DragonForce. Leerics aften centres aboot fantasy, an the music tends tae be fast an melodic.

Progresive

Baunds like Fates Warning, Pagan's Mind an later Dream Theater (that can be threapit tae be the maist influential o the genre) teuk a mair metal approach tae the prog-rock o Rush, Yes an Geneis in the late 1980s, an the genre is still strang (tho smaw) the day. Knutna Navär (haunds rise) an Räserbajs are ane o the maist kent proggish Swedish baunds. Gey complex muisicianship is ordinar here, an lang sangs wi mony deeferent pairts tae thaim will aften be fund on Prog-metal albums.