Pontevès
 |
Vilatge d'Occitània |  |
|
Pòntevès Pontevès | ||
|---|---|---|
 | ||
Vista de Pòntevès. | ||
| ||
| ||
| Geografia fisica | ||
| ||
| Coordenadas | 43° 33′ 16″ N, 6° 01′ 48″ E | |
| Superfícia | 41,07 km² | |
| Altituds · Maximala · Mejana · Minimala |
813 m 406 m 240 m | |
| Geografia politica | ||
| País | Provença | |
| Estat |  França | |
| Region 93 |
Provença-Aups-Còsta d'Azur | |
| Departament 83 |
Var  | |
| Arrondiment 833 |
Brinhòla | |
| Canton 8302 |
Sant Maissemin de la Santa Bauma (Barjòus avans 2015) | |
| Intercom 248300519 |
CC de Provènça Verdon | |
| Cònsol | Frank Panizzi (2020-2026) | |
| Geografia umana | ||
| Populacion Populacion totala (2018) |
744 ab.  762 ab. | |
| Densitat | 19,14 ab./km² | |
| Autras informacions | ||
| Gentilici | Pontois, Pontoises (en francés) | |
| Còde postal | 83670 | |
| Còde INSEE | 83095 | |
.svg)
Pontevès o puslèu Pòntevès (Mistral escriu Pont-Evès, Pontès o Pouantes, çò que representa respectivament Pòntevès, Pòntès e Pòntes [1]), Pontevès en francés es una comuna provençala situada dins lo departament de Var e la region de Provença-Aups-Còsta d'Azur.
Durant l'Edat Mejana, Pontevès èra lo sèti d'una senhoriá relativament importanta que son poder èra basat sus lo castèu de Pontevès, un edifici fortificat mencionat coma castrum tre 1021. A son apogèu, l'autoritat de l'ostau de Pontevès s'estendiá sus un fèu organizat a l'entorn dau vilatge de Pontevès e de la vila de Barjòus. Aquela poissança permetèt a de senhors de Pontevès de reçaupre de cargas importantas au sen dei comtats de Provença e de Forcauquier. Pasmens, a partir de la Renaissença, lei Pontevès preferissèron s'installar a Barjòus e lo castèu, abandonat, èra en roïnas tre lo sègle XVIII. Au sègle XIX, Pontevès èra un pichon vilatge que viviá de la sericultura e de l'esplecha de doas minas localas de baucita. L'exòde rurau entraïnèt un declin de la populacion fins a un minimom de 300 abitants en 1954. Dempuei aquela data, la populacion aumenta regularament en causa de l'arribada regulara de populacions novèlas en Var. L'economia locala es fondada sus l'agricultura e lo torisme.
Vista generala dau vilatge
Intrada dau castèu
Glèisa dau vilatge
Monument en omenatge ai resistents fusilhats sus lo territòri de la comuna
Liames intèrnes
[modificar | modificar lo còdi]Bibliografia
[modificar | modificar lo còdi]- Charles-Laurent Salch, Atlas des villes et villages fortifiés en France, Début du Ve siècle à la fin du XVe siècle, Estraborg, Editions Publitotal, 1987, p. 443.
Nòtas e referéncias
[modificar | modificar lo còdi]- ↑ Fr. Mistral, Lou Tresor dóu Felibrige, reedicion Culture Provençale et Méridionale, Raphèle-lès-Arles, 1979, vol. 2, p. 601.
.svg){kind=small}
