Springe nei ynhâld

Jehannes IX

Ut Wikipedy
Jehannes IX
   kristlik lieder
amt en titulatuer
amtpaus fan Rome
tsjerkeRoomsk-Katolike Tsjerke
bisdombisdom Rome
sitHillige Sit
amtsperioadejannewaris 898 – jannewaris 900
foargongerTeodoarus II
opfolgerBenediktus IV
wurkpaad
kleasteroarderBenediktyn
persoanlike bysûnderheden
bertedatum± 825
berteplakTivoli, Itaalje
stjerdatumjannewaris 900
stjerplakRome
etnisiteitItaljaansk

Jehannes IX (Latyn: Ioannes IX; ± 825 – jannewaris 900) wie fan jannewaris 898 oant syn dea yn 900 de biskop fan Rome en hearsker oer de Pauslike Steaten.

Der is net in soad bekend oer it libben fan Jehannes IX foar't er paus waard. Hy waard berne yn Tivoli as soan fan in man mei de namme Rampoaldo. Hy waard ta benediktynsk pryster wijd troch paus Formosus. Mei de stipe fan 'e machtige hartoggen fan Spoleto waard er yn it begjin fan 898 ta paus keazen, koart nei it hommelske ferstjerren fan paus Teodoarus II.

Mei it each op it weromkringen fan it slimme faksjegeweld yn Rome hold Jehannes yn 898 ferskate synoades yn Rome en oare plakken. Dy gearkomsten befêstigen net allinnich it beslút fan paus Teodoarus II oer it tastean fan in kristlike begraffenis foar paus Formosus, mar joegen ek op it konsylje yn Ravenna de opdracht om de ferslaggen en aktes fan 'e beruchte Kadaversynoade fan paus Stefanus VI, wêryn't Formosus feroardiele wie, te ferbaarnen.

Herwijingen waarden ferbean en geastliken dy't earder troch paus Stefanus degradearre wiene, waarden wer yn harren âlde rangen wersteld. Sawol de geastlike as de wrâldske autoriteiten krigen fan 'e paus de opdracht om in ein te meitsjen oan 'e wenst om 'e paleizen fan biskoppen of pausen nei harren dea te plonderjen.

Bûtenlânsk belied en keizerlike stipe

[bewurkje seksje | boarne bewurkje]

Om harren ûnôfhinklikens te behâlden, dy't troch de Dútsers bedrige waard, diene de Moraavjers in berop op paus Jehannes om har in eigen tsjerklike hiërarchie te jaan. Jehannes negearre de beswieren fan 'e Dútske geastlikheid en befêstige de wijing fan in metropolyt en trije oare biskoppen foar de Moraavjers.

Jehannes IX wie fan betinken dat it ferstannich wie om de bannen tusken it Hillige Roomske Ryk en it pausdom oan te heljen. Hy joech út geopolitike motiven syn stipe oan Lambert fan Spoleto boppe Arnulf fan Karinsje op 'e Synoade fan Rome. Ek wist er it konsylje safier te krijen dat fêstlein waard dat de wijding fan in nije paus tenei allinnich noch plakfine soe yn oanwêzigens fan keizerlike legaten. De hommelske dea fan Lambert makke lykwols in ein oan 'e hope dy't dizze alliânsje biede soe.

Jehannes IX ferstoar yn it jier 900 en waard opfolge troch paus Benediktus IV (900-903).

Boarnen, noaten en/as referinsjes:
  • Dizze side is alhiel of foar in part in oersetting fan 'e Ingelsktalige Wikipedyside; sjoch foar de bewurkingsskiednis: en:Pope John IX

Pausen yn 'e 9e iuw

Stefanus IV (V) · Paskalis I · Eugenius II · Falentinus · Gregoarius IV · Sergius II · Leo IV · Benediktus III · Nikolaas I · Adrianus II · Jehannes VIII · Marinus I · Adrianus III · Stefanus V (VI) · Formosus · Bonifatius VI · Stefanus VI (VII) · Romanus · Teodoarus II · Jehannes IX · Benediktus IV


· · Berjocht bewurkje