soubenn

Brezhoneg

Ur soubenn legumaj o poazhañ

Gerdarzh

Savet diwar soub (pe soup) hag -enn.

Anv-kadarn

soubenn /ˈsuː.bɛn/ benel (liester : soubennoù)

1. Meuz dourennek, kig pe legumaj poazhet ennañ.
   • [...], bez' e veze da greisteiz ha d'an noz, n'eo ket gwelien, met ur soubenn eus ar c'hentañ, [...]. — (Jarl Priel, Va Zammig Buhez, Al Liamm, 1954, p. 50.)
   • Kerkent ha ma krogas gant e soubenn, e rankas ar medisin Skolan sevel diouzh taol, [...]. — (Jarl Priel, An Teirgwern Pembroke, Al Liamm, 1959, p. 15.)
   • Soubenn al lêz. — (Jules Gros, Le trésor du breton parlé Deuxième Partie, 1970, p. 485.)
   • Soubenn ar hig fresk. — (Jules Gros, Le trésor du breton parlé Deuxième Partie, 1970, p. 485.)
   • Soubenn ar brignen. — (Jules Gros, Le trésor du breton parlé Deuxième Partie, 1970, p. 485.)
   • Soubenn ar hrampouez. — (Jules Gros, Le trésor du breton parlé Deuxième Partie, 1970, p. 485.)
   • Soubenn ar rouz. — (Jules Gros, Le trésor du breton parlé Deuxième Partie, 1970, p. 485.)
   • Gwechall e veze greet soubenn ar bloneg. — (Jules Gros, Le trésor du breton parlé Deuxième Partie, 1970, p. 485.)
   • Ar beorien a ree soubenn an tri dra (an tri zra, an tri zraïg) : dour, holen ha bara (baraïg). — (Jules Gros, Le trésor du breton parlé Deuxième Partie, 1970, p. 485.)
   • Soubenn ar yar.
2. Banne soubenn :
   • — Me a zo deut Itron, da c'houlenn ur banne soubenn 'vit ur vaouez paour a zo chomet klañv-fall 'barzh ma zi. — (Fañch an Uhel, Kontadennoù ar Bobl/3, Al Liamm, 1988, p. 29.)
3. Kaout a bep seurt soubenn, tañva meur a soubenn : gwelout meur a varr-avel, kaout diaezamant
   • Ar menajer e-nevez a bep sort soubenn. — (Jules Gros, Le trésor du breton parlé Deuxième Partie, 1970, p. 485.)

Deveradoù

• soubennañ
• soubenneg

Gerioù kevrennek

• sac'h-soubenn

Troioù-lavar

• debriñ ar c'hig a-raok ar soubenn
• lakaat kaol er soubenn
• trenkañ ar soubenn

Krennlavarioù

• D'ar beure eo goro ar c'havr evit ober soubenn d'an noz
• Evit ober soubenn vat
  E vez ret lezel ar c'haol da poac'hat
• Soubenn an tri dra :
  Dour, holen ha bara. — (Jules Gros, Le trésor du breton parlé Troisième Partie, 1974, p. 308.)
• Soubenn an tri zraïg (draïg) :
  Dour, holen ha baraïg. — (Jules Gros, Le trésor du breton parlé Troisième Partie, 1974, p. 308.)
• Soubenn al laezh pa vez re sall
  A lavar an dud, zo ur meuz fall. — (Jules Gros, Le trésor du breton parlé Troisième Partie, 1974, p. 308.)
• Hag ouzhpenn, perak kavout abeg enno p'emañ ar c'hiz ganeomp da lavarout : « Er podoù kozh e vez graet ar wellañ soubenn » hag [...] ? — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 8.)

Rimadelloù

• Madalen
  Kouezet ar c'haz er soubenn. — (Jules Gros, Le trésor du breton parlé Troisième Partie, 1974, p. 365.)
• Mari Vihan a blij din,
  Kalz a labour a ra din :
  Goro ar saout,
  Kas anezo er-maez,
  Ober soubenn gand o laez,
  Mond d'ar jardin da-vid kaol
  Hag o draillañ war an daol ! — (Jules Gros, Le trésor du breton parlé Troisième Partie, 1974, p. 367.)
• Poazet gand an dour,
  Tapet gand an dorn,
  Pep hini beill e lod,
  Ha kuit a vatez d'ober yod
  Merc'her ar Meur,
  Goude al Ludu,
  Soubenn an ognon
  N'eo ket druz ! — (Jules Gros, Le trésor du breton parlé Troisième Partie, 1974, p. 377.)
• Un, daou, tri,
  Deus war ma lerc'h pa gari,
  Pevar, pemp,
  Kerz gand da vaz en hent,
  C'hwec'h, seiz,
  Me garje vije'n e leiz,
  Eiz, naw,
  Ur gont vraw,
  ha deg,
  Kont ar wreg,
  unneg,
  ur bater vraw vrezoneg,
  C'hoaz am-eus ankounac'haet goulenn,
  Kig ha kaol d'ober soubenn. — (Jules Gros, Le trésor du breton parlé Troisième Partie, 1974, p. 378.)

Troidigezhioù

• galleg : soupe ^(fr)  benel
• italianeg : zuppa ^(it)  benel