Klado

Kladogram: Un grupo monofilétiko ta kontené un antepasado komun i tur su desendiente: reptil i para.

Klado, tambe konosí komo grupo monofilétiko, ta un grupo natural di desendientenan ku un solo antepasado komun. Grupo monofilétiko ta deliniá pa karakterístikanan derivá òf spesialisá (apomorfia), pues e taksa (grupo taksonómiko) kontené den kalke grupo monofilétiko ta konsiderá mas estrechamnete relashoná ku kalke otro taksa klasifiká pafó di e grupo. Sinembargo, tambe tin gruponan di espesie ku no ta monofilétiko; esta, gruponan parafilétiko i polifilétiko.

Karakterístika (p.e., ekstremidat) di diferente organismo ku ta kompartí un antepasado komun i karakterístika derivá ta e diferente formanan ku e karakterístika aki por wòrdu opservá: brasa (den hende) i ala (den para).

Notablemente, e no ta sufisiente ku organismonan ta kompartí karakterístika; en realidat, dos organismo por kompartí vários karakterístika i ainda no ta wòrdu konsiderá miembro di e mesun grupo. E rason ta ku e karakterístikanan aki por representá karakterístikanan no-modifiká (plesiomorfia) heredá for di nan antepasado, pues plesiomorfia no ta un karakterístika distinto pa forma un klado, pero mas bien ta karakterístikanan primitivo. Plesiomorfia no ta deliniá un grupo natural.

Fuente, nota i/òf referensia