Pion

Pion eller pi-meson (π-meson') er i partikkelfysikken eit felles namn på tre elementærpartiklar: π⁰, π⁺ og π⁻. Pioner er dei lettaste mesona og spelar ei viktig rolle når ein skal forklare «låg-energi-eigenskapane» til fargekrafta.

Pion har 0-spinn, og består av førstegenerasjons kvarkar. Det finst tre forskjellige π-meson:

Pi pluss (π⁺, 139.6 MeV/c²): Består av ein opp-, og ein anti-nedkvark ( $u \bar{d}$ ), og desintegrerer til eit anti-myon og eit myon-nøytrino, eller eit positron og eit elektron-nøytrino:

$π^{+} \to μ^{+} + ν_{μ}, π^{+} \to e^{+} + ν_{e}$

Pi minus (π⁻, 139.6MeV/c²): Antipartikkelen til π⁺, og består dermed av ein anti-opp- og ein nedkvark ( $\bar{u} d$ ), og desintegrerer til eit myon og eit anti-myon-nøytrino, eller eit elektron og et anti-elektron-nøytrino:

$π^{-} \to μ^{-} + {\bar{ν}}_{μ}, π^{-} \to e^{-} + {\bar{ν}}_{e}$

Pi null (π⁰, 135 MeV/c²): Det interessante med denne partikkelen er at han er sin eigen antipartikkel. Kvarkoppbygginga er opp-, anti-opp minus ned-, anti-ned, dividert på kvadratrota av 2: $\frac{u \bar{u} - d \bar{d}}{\sqrt{2}}$

Han desintegrerer til to foton, eller eitt foton og eit elektron-, positronpar:
π⁰ > 2γ ELLER π⁰ > γ + e⁻ + e⁺

Kjelder

Denne artikkelen bygger på «Pion» frå Wikipedia på bokmål, den 14. april 2013.