Modest Musorgskij
| Modest Musorgskij | |||
.jpg) | |||
| Fødd | 9. mars 1839 | ||
|---|---|---|---|
| Fødestad | Karevo, Pskov | ||
| Død | 16. mars 1881 (42 år) | ||
| Dødsstad | St. Petersburg | ||
| Fødenamn | Модест Петрович Мусоргский | ||
| Opphav | Det russiske imperiet | ||
| Aktiv | 1852–1881, 1881 | ||
| Sjanger | klassisk musikk, opera | ||
| Instrument | piano | ||
| Verka som | komponist, pianist, librettist, militær, musikar | ||
Modest Petrovitsj Musorgskij (21. mars 1839–28. mars 1881) var ein russisk komponist.
Dei mest kjende verka hans er operaen Boris Godunov og klaversyklusen Bilde på ei utstilling. Han blir rekna som ein av dei mest særmerkte russiske komponistane på 1800-talet. Musorgskij døydde av mange års alkoholmisbruk berre 42 år gammal og etterlét seg mange ufullførte verk.
Liv
[endre | endre wikiteksten]Musorgskij var yngste son i ein velhavande godseigarfamilie frå landsbyen Karevo ved Toropets i Tver oblast, om lag 400 km sør for St. Petersburg. Mora og ei tysk guvernante lærte han å spele klaver og åtte år gammal meistra han korte stykke av Franz Liszt. Som niåring framførte han musikk av John Field for eit stort publikum i foreldra sitt hus. Frå august 1849 fekk han klaverundervisning av Anton Herke, ein elev av Adolf Henselt.
Militær karriere
[endre | endre wikiteksten]
For å følgje familietradisjonen[1] begynte han i 1825 på kadettskolen i St. Petersburg der han hovudsakleg studerte historie og filosofi. Han var med i eit skolekor, og på religionslæraren si oppmoding arbeidde han med den ukrainske kyrkjemusikkomponisten