Naruto

Naruto (ナルト) panèka serial manga karya Masashi Kishimoto sè èadaptasi dâddhi serial anime. Manga Naruto noro'è kaodhi'ân protagonisna, Naruto Uzumaki—ninja sè hiperaktif, ceria, bân ambisius sè amempe dhâddhi Hokage, pemimpin bân ninja sè palèng kowat è kampongnga. Serial panèka asalla dâri komik one-shot sareng Kishimoto, sè èterbitaghi è edisi Agustus 1997 Akamaru Jump.

Manga Naruto pertama kalè è terbitaghi è Jeppang sareng Shueisha è taon 1999, è terbitaghi è edisi ke-43 majalah Shonen Jump. È Indonesia, manga panèka è terbitaghi sareng Elex Media Komputindo. Popularitas bân lanjangnga seri Naruto (khusussa è Jeppang) èsaing sareng Dragon Ball karya Akira Toriyama. Serial anime Naruto sè èprodhuksi sareng Studio Pierrot bân Aniplex—èpèyara è Jeppang è tanggal 3 Oktober 2002, bân terros èjalanaghi molaè jârèya. Serial pertama èpadhâddhi 9 musim, èbâgi dâ' 220 episode. Musim pertama sèri kaduwâ' èmolaè ètayang è tanggal 15 Februari 2007. È Indonesia, anime *Naruto* èsiaraghâghi sareng Trans TV dâri taon 2004 kantos 2005, ètoro'è sareng GTV molaè taon 2005; ètayangaghi jhughân è Indosiar, sè èbâgi dâ' musim kaempa' bân kalima tamaso' musim kalima Naruto Shippuden antara taon 2008 bân 2009.[2] Salaèn serial anime, Studio Pierrot ampon ngasèllaghi bâllu' filem bân pan-bârâmpan animasi video asli (OVA). Bânnya' bhârang dagangan, è antarana novel ringan, video game, bân koleksi kartu dagang, jhughân ampon èkembhângaghi sareng bânnya' perusahaan.

Viz Media aghâdhui lisensi Amerika Utara ghâbây manga bân anime. Viz ampon nerbitaghi serial panèka è majalahna, Shonen Jump, bân jhughân è jilid individu. Serial anime panèka molaè tayang è Amèrika Serikat bân Kanada è taon 2005, ètoro'è rilis è Inggris bân Australia è taon 2006 bân 2007. Film-film panèka, bân jhughân pan-bârâmpan OVA dâri serial panèka, jhughân èrilis sareng Viz, kalabân perdana teater. Volume DVD pertama Naruto: Shippuden è rilis sareng Viz è Amerika Lao' è tanggal 29 September 2009, bân sèrial panèka molaè tayang è Disnèy XD è bulan Oktober taon sè padâ. Naruto: Shippuden è siaraghi è blok Toonami Adult Swim molaè Januari 2014. Viz Media molaè streaming kaduwâ' serial è layanan streaming Neon Alley è bulan Desember 2012.