Edmund Bonner
| Edmund Bonner | |
|---|---|
 | |
| Genys |
1500  |
| Mernans |
5 Gwynngala 1569 London Borough of Southwark |
| Kenedhlogeth |
Ruvaneth Unys a Vreten Veur hag Iwerdhon |
| Galwesigeth |
pronter Katholik, theologydh, epskop Katholik |
| Soodh |
Bishop of the Roman Catholic Diocese of London, Roman Catholic Bishop of Hereford |
Edmund Bonner (?1500 – 5ves Gwynngala 1569) o Epskop Loundres yn-dann Henry VIII ha'n Vyghternes Maria. Wostalleth, yth esa ev ow promovya an gorughelder ryal dres an Eglos, ha negysydh Henry VIII o ev yn Rom. Mes nyns o da ganso an dasfurvyansow gwrys yn termyn Dug Gwlas an Hav. Lyver Pysadow Kemmyn ev a enebas, hag y tehwelas ev orth an Eglos Katholik Romanek. Prisner o Bonner dres reyn Edward I. Yn-dann Varia, y servya ev avel Epskop Loundres ynwedh, ha persekutya Protestans avel 'kammgryjygyon' mar vilus hag ev dhe waynya an titel "Bloody Bonner" (Bonner Goesek).
Yn 1555, y skrifas ev dewdhek pregoth gelwys Homelies sette forth by Eddmune Byshop of London, ... to be read within his diocese of London of all Parsons, vycars and curates, unto their parishioners upon Sondayes and holy days. Nebes blydhen wosa henna, John Tregear a'ga hernewekhas: ottomma an Pregothow Treger (gwelewgh an tekst leun orth wikisource) a yw mar boesek yn Dasserghyans Kernewek (yn arbennik rag Kernewek Unys Amendys ha Kernewek Dewedhes).
Elizabeth yw devedhys myghternes yn 1558, hag yn 1560 y tehwelas Bonner dhe brison rag mentenya an Oferenn yn y benneglos. Naw blydhen wosa henna y ferwis ev, hwath prisner.
