Saltar al contento

Tatras

De Wikipedia, le encyclopedia libere
Tatras Occidental in le fronte e a dextere. Tatras Alte in le fundo.

Montes Tatras es dividite in partes tres: Tatras Occidental a occidente, Tatras Alte in le centro e Tatras Belianske in oriente. Tatras es locate sur le frontiera inter Polonia e Slovachia excepte Tatras Belianske le quales es locate totalmente in Slovachia. Illos es un catena de Montes Carpatic le plus alte e locate le plus longe a nord. Illos es minime catena de montanias alte in tote le mundo (circa 51 kilometros ab west ad oriente).

Le tres partes differe in apparentia. Tatras Alte es le plus alte e ha character alpestre: acute summitates roccose. Tatras Occidental ha in majoritate piccos benigne coperita con herba. Tatras Belianske, minime e le plus basse parte de Tatras, ha apparentia simile a Tatras Occidental.

Un parte de Tatras Occidental slovac ha character simile a Tatras Alte con acute piccos roccose, ma illos constitue un minoritate de tote Tatras Occidental.

Gerlachovský štít, le plus alte montania in Tatras.

Le plus alte monte in Tatras Alte e in tote Tatras es Gerlachovský štít (2655 m super le nivello de mar), le plus alte monte in Tatras Occidental es Bystrá (2248 m super le nivello de mar), le ambes locate in Slovachia.

Montes Tatras constitue un importante destination touristic. Illos es visitate per milliones de touristas per anno (5,27 milliones de touristas in le polonese Parco National de Tatras in 2025). Tourismo in Tatras ha existite ab XIXe seculo. Formas de tourismo in Tatras include excursiones pedestre e ascension per majoritate del anno e skiar in hiberno. Base tourista es ben disveloppate. Il ha multe itineres tourista e refugios montaniose.

In Tatras Occidental, specialmente in le parte polonese il ha un grande numero de cavernas. Un parte de illos es disponibile pro touristas.

In XXIe seculo Tatras ha devenite un destination popular inter touristas ab le Peninsula Arabic. Maxime citate tourista in le region es Zakopane.

Fauna e flora

[modificar | modificar fonte]
Duo camoces in Tatras.

Fauna e flora in Tatras es ric. A causa de facto que le montanias se extende a multe nivellos de altitude, alcun stratos de flora occurre. A nivellos plus basse il ha pinos e abietes de Canada. A nivellos plus alte il ha pinos nanos. Il ha plantas que cresce solmente in montanias.

Fauna in Tatras comprehende ursos brun (le majoritate vive in Slovachia), lupos cervari, vulpes e camoces.