Tumbas antropomorfas en Cervera de Pisuerga (Palencia)
Unha necrópole é un cemiterio ou lugar destinado a enterramentos. O termo (derivado do grego, necro = morte e polis = cidade) emprégase tanto para designar cemiterios pertencentes a grandes urbes coma para as zonas de enterramento que se atoparon preto de cidades de antigas civilizacións.
As necrópoles foron construídas por varias razóns, ás veces eminentemente relixiosas, como a Necrópole de Giza, en Exipto. O chamado Val dos Reis xorde durante o Imperio Novo, fronte a Menfis, co propósito de evitar os periódicos roubos dos ricos enxovais funerarios de faraóns e nobres exipcios, configurando os enterramentos como luxosas galerías subterráneas, pero ocultando e selando os seus accesos. A gran maioría foron saqueadas poucos anos despois.
Moitas culturas fundaron necrópoles en resposta á prohibición de practicar enterramentos dentro dos límites urbanos[Cómpre referencia]. Os camiños que partían das cidades foron ornados con monumentos funerarios, especialmente no Imperio romano. Aínda poden verse na Vía Apia de Roma, en Italia.
Durante o século XIX as necrópoles monumentais gozaron dun rexurdimento, alentado pola moda vitoriana, con grandes e elaborados sepulcros.
.JPG?lang=gl)
