Piapiak

piapiak
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift moskeftigen (Passeriformes) famylje kriefûgels (Corvidae) skaai piapiaks (Ptilostomus)
soarte
Ptilostomus afer
(Linnaeus, 1766)
IUCN-status:
ferspriedingsgebiet

De piapiak (Ptilostomus afer) is in fûgel út 'e famylje fan 'e kriefûgels (Corvidae) yn it skift fan 'e moskeftigen (Passeriformes).

Foarkommen en lûd

Jonge fûgels

De piapiak is in opfallende, slanke kriefûgel mei in lange, spitse sturt en in frij stevige snaffel. De fûgel is 35 oant 42 sm lang en 121 oant 130 gram swier. Hy docht yn syn ferskining wat tinken oan in ekster. Folwoeksen fûgels binne glânzgjend swart mei in poarperen glâns by geunstich ljocht. De sturt liket de brune kant oer te skaaien. Jonge fûgels hawwe in rôze-eftige snaffel mei in swarte punt.

It lûd fan 'e fûgel wurdt omskreaun as pypjend en heech – te ferlykjen mei dat fan in protter – en wurdt yn 'e Ingelsktalige literatuer meastentiids werjûn as "cheeet".

Fersprieding en taksonomy

Dizze fûgel komt foar yn Afrika besuden de Sahara. It is de iennige soarte yn it skaai fan 'e piapiaks (Ptilostomus) en de soarte is monotypysk; der wurde dus gjin ûndersoarten erkend.

Hâlden en dragen

Piapiaks op in oaljefant

De piapiak libbet op iepen savannes mei palmen, op lânbougrûn en yn doarpkes op it plattelân. De fûgels sykje yn groepen op 'e grûn nei iten, faak yn 'e buert fan grutte sûchdieren lykas fee. Se rinne soms njonken dizze dieren of sitte sels op harren rêch om ynsekten te fangen. Ek wurde piapiaks waarnommen yn 'e toppen fan beammen en palmen. Lykas oare kriefûgels stopje se harren nêst ferside yn 'e tichte fegetaasje of beamkroanen.

Status en bedrigingen

De soarte hat in tige grut ferspriedingsgebiet en de populaasje wurdt as stabyl beskôge. De IUCN klassifisearret de fûgel dêrom as 'net bedrige' (Least Concern, LC).

Boarnen, noaten en/as referinsjes:

BirdLife, oproppen 15 oktober 2026 eBird, oproppen 15 oktober 2026 Birds of the World, oproppen 15 oktober 2026 Commons Wikimedia Commons  Ofbylden dy't by dit ûnderwerp hearre, binne te finen yn de kategory Piapiak fan Wikimedia Commons.