Gaizkata

Gaizkata
Campaniar-gaur egun PreꞒ Ꞓ O S D C P T J K Pg N
Irudi gehiago
Sailkapen zientifikoa
Erreinua	Animalia
Filuma	Chordata
Ordena	Acipenseriformes
Familia	Acipenseridae Bonaparte, 1831
Datu orokorrak
Gizakiak ateratzen dizkion produktuak	Q4110865 eta Q4141792

Gaizkatak edo polaioak Acipenseridae familia osatzen duten arrainak dira, Acipenseriformes ordenakoak. Barnean lau genero ditu: Acipenser, Huso, Scaphirhynchus eta Pseudoscaphirhynchus. Hogei espezie baino gehiago dira, baina ohikoena gaizkata arrunta da.

Hezur arrain zaharrenetakoak dira. Gorputz luzea dute, ezkatarik gabea. Espezie batzuk oso handiak dira (2 - 5,5 m luze) eta inoiz gehienez 480 kiloko pisua dute. Ipar Hemisferioko ur hotz eta epeletan bizi dira. Batzuk anadromoak dira eta beste batzuk, ur gezakoak.

Zenbait espeziek interes komertziala dute, beren arrabak kabiarra egiteko erabiltzen direlako, baina oso hazkunde motela eta heldutasun sexual beranta dutenez gero, oso sentiberak dira ustipen komertzial eta habitataren aldaketekiko (habitataren zatikatzea, kutsadura...). Hori dela eta, IUCNren arabera, espezien % 85 arrisku larrian dira.

Espezieak

Egun onarturtako taxonomiaren arabera, Acipenseridae familia bi subfamiliatan banaturik dago: Acipenserinae, Acipenser eta Huso generoak barnean dituena, eta Scaphirhynchinae, Scaphirhynchus eta Pseudosaphirhynchus generoekin..

Acipenser brevirostrum

• Acipenseridae familia Bonaparte, 1831
  • Acipenserinae subfamilia
    • Acipenser generoa Linnaeus, 1758
      • Acipenser baerii J. F. Brandt, 1869
        • Acipenser baerii baerii J. F. Brandt, 1869 (Siberiako gaizkata)
        • Acipenser baerii baicalensis Nikolskii, 1896 (Baikalgo gaizkata)
      • Acipenser brevirostrum Lesueur, 1818 (Gaizkata sudurmotza)
      • Acipenser dabryanus A. H. A. Duméril, 1869 (Yangtzeko gaizkata)
      • Acipenser fulvescens Rafinesque (Aintzirako gaizkata)
      • Acipenser gueldenstaedtii J. F. Brandt & Ratzeburg, 1833 (Errusiako gaizkata)