pillig

Brezhoneg

Gerdarzh

→ Etimologiezh da glokaat (Ouzhpennañ)

[[Rummad:Wikeriadur:Etimologiezhioù a vank e brezhoneg |pillig]]

Anv-kadarn

pillig /ˈpilːik/ benel (liester : pilligoù)

1. Pladenn gompez, e potin peurvuiañ, a vez lakaet war an tan pe en ur stern hag a vez poazhet krampouezh warni.
   • E Benac'h e vez graet krampouez war ar billig, war ar gleurc'h, mar d-eo gwell ganit. — (Jules Gros, Le trésor du breton parlé Troisième Partie, 1974, p. 90.)
2. Pothouarn
   • — Feiz ! mamm, lavaret ho poa din en em lakaat klenk ha brav, ha setu perak ez on bet pignet amañ da gluchañ er billig ! — (Marsel Klerg, Faltazi an amzerioù kent, Mouladurioù Hor Yezh, 1999, p. 141.)

Deveradoù

• pilligad
• pilligañ
• pilliger

Gerioù kevrennek

• pillig-lostek
• pillig-wele

Troioù-lavar

• kouezhañ eus ar billig en tan : mont eus ur stad fall, pe druezus d'unan gwashoc'h c'hoazh
• lakaat ar ber war ar billig : fardañ boued saourus
• lardañ e billig da unan bennak : talvezout ur gwall da unan bennak
• pellaat diouzh ar billig pa vez o virviñ : pellaat diouzh an dañjer
• skeiñ an trebez war-lerc'h ar billig
• skeiñ ar billig war-lerc'h an trebez
• stlepel ar billig goude an trebez
• strinkañ an trebez war-lerc'h ar billig
• teuler an trebez war-lerc'h ar billig
• teuler ar billig goude an trebez
• toull eo ar billig tu pe du

Troiennoù keñveriañ

• du evel revr ar billig

Troidigezhioù

• galleg : ^(fr) poêle, crêpière
• katalaneg : ^(ca) paella
• kembraeg : ^(cy) padell
• spagnoleg : ^(es) sartén