Marco Mathis
 | |
| Marco Mathis (2018) | |
| Personedate | |
|---|---|
| Geburtsdatum | 7. April 1994 |
| Nation |  Dytschland |
| Disziplin | Stroß/Bahn: Uusduur/ Quärfäldyy |
| Veräin / Ränngmäinschaft(e) | |
| 2007–2012 | TV Kressbronn |
| Internationali Team | |
| 2013–2016 2017–2018 2019–2020 |
rad-net Rose Team Team Katusha Alpecin Cofidis |
| Wichtigsti Erfolg | |
| |
| Infobox zletzt aktualisiert: 10. Juni 2021 | |
Dr Marco Mathis (* 7. April 1994 z Dettnãng) isch e dytsche Radsportler, wu uf dr Stroß un dr Bahn aktiv gsii isch.
Sportligi Laufbahn
[ändere | Quälltäxt bearbeite]Anne 2010 isch dr Marco Mathis bi dr Quärfäldmaischterschafte vu dr Juged dytsche Vizemaischter wore.[1] Im Johr 2012 het er e Etappe vum Junioreränne Tour de la Région de Lodz gwunne un isch in dr Gsamtwärtig vu dr Internationale 3-Etappe-Rundfahrt uf Rang drei chuu.
Bi dr Dytsche Bahnmaischterschafte 2013 isch dr Mathis zäme mit em Christopher Muche dytsche Vizemaischter im Zwaier-Mannschaftsfahren un im Johr derno Dritte mit em Pascal Ackermann. Anne 2015 isch er zäme mit em Kersten Thiele, em Michel Koch un em Maximilian Beyer Blatz zwee in dr dytsche Maischterschaft in dr Mannschaftsverfolgig.
Bi dr Dytsche Maischterschafte 2016 isch dr Marco Mathis dr erfolgrychscht Sportler im Uusduurberaich gsii: Är het drei Medaille gwunne, ai guldeni in dr Ainer- un in dr Mannschaftsverfolgig (mit em Maximilian Beyer, em Leif Lampater un em Lucas Liß) un a silberni im Pinktfahre. In dr Mannschaftsverfolgig isch sy Team im Cottbuser Radstadion mit 4:08,891 Minute ne neie Bahnrekord gfahre. E baar Wuche vorhär het er bi dr Dytsche Stroße-Radmaischterschafte uf Rang drei im Ainzelzytfahre vu dr U23 chuu.
Im Oktober 2016 isch dr Marco Mathis Wältmaischter (U23) im Ainzelzytfahre wore. Dodruf het er fir Johr 2017 un 2018 e Verdrag bim UCI WorldTeam Katusha Alpecin iberchuu un isch ganz zum Stroßeradsport ibergange. Zur Saison 2019 sch er zum Professional Continental Team Cofidis gwägslet. Bi de Stroßeeuropamaischterschafte 2019 het dr Marco Mathis mit dr dytsche Mannschaft d Silbermedaille in dr Mixed-Stapfker gwunne. 2020 isch er dr Giro d’Italia gfahre.
Wu dr Mathis zue dr Saison 2021 kai Verdrag no syne Vorstellige mit eme Stroßeteam iberchuu het, isch er retuur zum Bahnradsport.[2] Mit em dytsche Bahnrdvierer het er Nations’ Cup im Mai 2021 z Hongkong d Mannschaftsverfolgig gwunne. Uf Änd 2021 het er sy Karriere as Radsportler ufgee.[3]
Erfolg
[ändere | Quälltäxt bearbeite]- 2015
Dytsche Maischter - Mannschaftszytfahre
- 2016
Wältmaischter (U23) - Ainzelzytfahre- Dytsche Maischter - Ainerverfolgig, Mannschaftsverfolgig (mit em Maximilian Beyer, em Leif Lampater un em Lucas Liß)
- Dytsche Maischter - Mannschaftszytfahre
- 2019
UEC-Stroße-Europamaischterschafte – Mixed-Stapfle
- 2021
Nations’ Cup z Hongkong – Mannschaftsverfolgig (mit em Felix Groß, em Theo Reinhardt, em Leon Rohde un em Domenic Weinstein)
Weblink
[ändere | Quälltäxt bearbeite]
- Marco Mathis in der Datebank vo Radsportseiten.net
Fueßnote
[ändere | Quälltäxt bearbeite]- ↑ Vaude-Simplon: Marco Mathis Cross-Vize-Meister der U17. In: bikesport-magazin.de. 26. Juli 2013, archiviert vom Original am 1. September 2016; abgruefen am 3. September 2016.
- ↑ Mathis will Chance auf der Bahn nutzen. In: rad-net.de. 13. Januar 2021, abgruefen am 13. Januar 2021.
- ↑ Mit 27: Radprofi Mathis beendet Karriere. In: rad-net.de. 23. Oktober 2021, abgruefen am 23. Oktober 2021.
 |
Dä Artikel basiert uff ere fräie Übersetzig vu dere Version vum Artikel „Marco_Mathis“ vu de dütsche Wikipedia. E Liste vu de Autore un Versione isch do z finde. |
