Lordi

Lordi

Lordi, 2023 Lordi, 2023
Allgmeini Informatione
Genre	Hard Rock
Gründig	1992
Website	http://www.lordi.fi
Gründungsmitglider
Gesang	Tomi „Mr. Lordi“ Putaansuu
Aktuelli Bsetzig
Gesang	Tomi „Mr. Lordi“ Putaansuu
E-Gitarre	Jussi „Amen“ Sydänmaa (seit 1996)
Bass	Samer „Ox“ el Nahhal (seit 2005)
Schlagzeug	Mana (seit 2012)
Keyboard	Hella (seit 2012)
Ehmaligi Mitglider
Bass	Sami „G-Stealer“ Keinänen (1996–1999)
Bass	Sami „Magnum“ Wolking (1999–2002)
Bass	Niko „Kalma“ Hurme (2002–2005)
Keyboard	Erna „Enary“ Siikavirta (1997–2005)
Schlagzeug	Sampsa "Kita" Astala (1996-2010)
Schlagzeug	Tonmi "Otus" Lillman (2010-2012)
Keyboard	Leena „Awa“ Peisa (2005-2012)

Lordi isch e finnischi Hard Rock Bänd. Alli Mitgliider verchleide sich wäärend emene Uuftritt als Monschter. Iri Koschtüm ärinnered a di amerikaanisch Bäänd Gwar. Lordi het de Eurovision Song Contest 2006 gwunne.1992 isch Lordi vom Sänger Tomi Putaansuu alias "Mr. Lordi" gründet woorde. 1996 isch de Gitarrischt Jussi Sydänmaa alias Amen zueträtte, wil de Mr.Lordi luut eigete Uussage gseit het, dass är en "grotteschlächte" Gitarrischt isch. Im gliiche Joor hed Lordi sich de Bassischt G-Stealer (Sami Keinänen) gholt. Är isch aber au 1998 dur de Magnum (Sami Wolking) ersetzt worde, wil de G-Stealer us brueflyche Gründ uf England uusgwanderet isch. Wenig spööter isch de Schlagzüüger Sampsa Astala alias Kita de Bäänd zueträtte. 2000 isch d Kiiborderin Enary (Erna Siikavarta) zu Lordi gschtoosse.

Im Joor 2002 isch s Albuum "Get Heavy" usechoo. Es isch nid bsunders erfolgriich gsii. 2003 isch de Magnum dür de Kalma (Niko Hurme) abglööst woorde. 2 Joor lang hed me nüd me vo de Bäänd ghöört. 2005 isch s Albuum "The Monsterican Dream" uf e Markt choo.

In Finnland isch Lordi plötzlich berüemt woorde, was woorschiinlich eher a de Maske als a de Musig liit. Ebefalls 2005 isch d Awa (Leena Paisa) choo. D Enary isch denn us de Bäänd.

2006 isch denn s erfolgriichschte Albuum vo Lordi choo, The Arockalypse. D Bäss sind no vom Kalma gschpylt woorde, aber uf em Cover isch scho de OX (Samer el-Nahhal) z'gseh. The Arockalypse isch bis jetzt s'beschte Lordi Albuum.

Mit em Hit "Hard Rock Hallelujah" isch Lordi am Eurovision Song Contest 2006 in Athen Sieger woorde. Noch em Eurovision Song Contest isch lordi heftig kritisiert woorde. Me hed ne Voorgworfe, si seged Satanischte. D Bäänd hed dezue lang ke Stellig bezoge, doch dänn hed de Kita alles klar gmacht und hed emol gseit: "Lordi isch ke Satanistischi Bäänd!"

Im Jänner 2008 isch d'Single "Beast loose in Paradise" erschine. Das Lied wird nid of em neue Album "Deadache" wo am 20.8.08 erschiint droff sii. Am 15.8.2008 esch of em finnische Rockradiosänder Radio Rock d'Single "Bite it like a Bulldog" voorgschtellt woorde. Ebefalls im Joor 2008 wärded d'Koschtüm total ernoieret, wie im Joor 2004. Im Johr 2008 esch s'Album Deadache usechoo.

Sitdem Lordi bim Eurovision Song Contest gwunne hed, hed Lordi ä grossi Fängmeind om sich, nid wenigi chömed us Ööschtrich u Dütschland, sowie au einige us dr Schwiiz. Vel Lordi Fäns si minderjäärig, zom beduure vo dene, wo Lordi scho vorem ESC könnt hei, si behoupte, i de Forene wärdi immer meh Blödsinn gschrebe ond si hei ou befürchtet, dass Lordi in Pop verheit. Öbers erschte cha mer Striitte, s'zwoite esch ganz sicher ned der Fall.

Mitgliider

Mr. Lordi: (Tomi Putaansuu) De Mr. Lordi isch de Sänger vo Lordi. Är sälber macht alli Koschtüm und Maske. Sit sim 7.Lebensjohr schpilt är E-Gitarre, E-Bass und Schlagzüüg. 1992 hed är d'Bäänd gründet. S'eerschte Koschtüm wo är entworffe hed isch das vom G-Stealer gsii, wo denn wäge Chöschte au das vom Kita woorde isch. Dä Mr. Lordi macht alles wo mer bi mene Live Uuftritt gseet, au d'Idee'e für d' Videoclip macht är sälber. Är isch Präsident bi de KISS-Army gsi. Det hed er au di andere Bäändmitgliider troffe. Wil KISS jo vil Make-up hed, isch es klaar gsii, dass au Lordi Maske hed.

Amen: (Jussi Sydänmaa) De Amen isch de Gitarrischt vo Lordi. Är schtellt ä ägyptischi Mumie dar. 1996 isch är als eerschte am Mr. Lordi zueträtte. Bis zom Album "The Monsterican Dream" isch sis Koschtüm mit Bandaasche iigwicklet gsii, nochher häd är aber e kompletti Outfit-Ernoierig öberchoo und häd jetzt e furchtiiflössendi Narbe am Muul. Au hed er vil me Broschene, Gold ond Schmock öberchoo, was druuf hiiwiist, dass är en ägyptische Pharao gsii isch.

OX: (Samer el-Nahhal) Dä 4. Bassischt vo Lordi schtellt en "Hellbull" dar, was überstzt heisst, en Hölle-Schtier. Dä Nochfolger vom Kalma isch 2005 zu Lordi choo. Monatelang hend di Beide g'üebt und sitdem verbindet si ä dick Fründschaft. Är isch en Ochs mit Läderchleider gsii. Doch im Joor 2008 isch de Lädermantel vom Koschtüm entfärnt wordi. Jetzt häd er en graue, lange Mantel us Schtoff. Mit sim Grinse gseet er sehr hinterlischtig ond onheimlich uus.

Ehemoligi Mitgliider

Kalma: (Niko Hurme) Dä Kalma esch vo 2002-2005 i de Bäänd gsii. Er isch dä absoluti Liebling vo villne Fäns. Er esch 2002 i d'Bäänd choo, esch of em Album "Get Heavy" als volls Mitgliid anerkennt, obwohl är uf jenem Album ken einzige Ton gschpilt hät, sondern sin Vorgänger Magnum. Em Bassischt Kalma esch of em Album "The Monsterican Dream" es Lied gwidmet: "Kalmageddon", benannt noch de vom Mr.Lordi erfundne Gschecht über d'Kalmageddon Brotherhood. Dert esch au de Kalma derbii und de Aafüehrer vo dere Truppe. Zur Ziit wo är "uf de Ärde" gsii esch, hed de OX d'Füehrig über d'Kalmageddon Brotherhood (änglisch: Brüederschaft) öbernoo, ond isch dänn, wo de Kalma zrugg i d'Unterwelt choo isch, sis Amt als Bassischt vo Lordi öbernoo. Dä Name Kalma chonnt os de finnische Mythologii ond esch de Name vom Gott vom Tod. Er häd noch sim Uustritt es Teschtamänt hingerloo.

Magnum: (Sami Wolking) Dä Magnum esch (lut Mr. Lordi) en Chopfgäldjeger us de Galaxie Alfa Centauri. Är esch vo 1998-2002 i de Bäänd gsii ond esch dä einzig Charakter, wo sis Koschtüm sälber gamcht hed. Er hät nie e Live-Uuftritt ärläbt, will er chorz bevor em Erschiine vo "Get Heavy" us de Bäänd uusträtte esch. Trotzdem isch är im CD-Booklet z'gsee ond me chan en au im "Would you love a Monsterman"-Videoclip aaluege. Är isch inere Rüschtig gsii, me hed nome sin Chopf gsee, wo verkablet isch. Woorschinlich häd de Magnum e chli vo de Gschecht Frankenstein abgluegt. Är hed Bass gschpilt.

G-Stealer: (Sami Keinänen) Dä G-Stealer esch de eerschti Bassischt vo Lordi gsii ond vo 1996-1998 i de Bäänd gsii. Siis Koschtüm isch wie das vom Kita gsii, do me us chöschtegründe kes nois hed chönne mache. Wil er uf Ängland uusgwanderet isch, isch er us de Bäänd.

Enary: (Erna Siikavarta) D'Enary esch vo 2000-2005 i de Bäänd gsii ond hed Kiibord gschpilt. Ires Koschtüm hed Walkyre-äänlich uusgsee. Wil sii sich mit de Bäänd verkracht häd, häd si müesse Uusträtte.

Kita: (Sampsa Astala) De Kita schtellt es usserirdischs Monschter dar. 1998 isch är zu dä Bäänd cho. Dä Kita isch dä gsii, wo als eerschte uf d'Kritik, Lordi sege Satanischte, reagiert hed. Är isch de Schlagzüüger vo Lordi. Sis Koschtüm isch sit de Ernoierig im Joor 2004 root, är isch aber vo vilne Chettene, wo bim Schlagzüügschpile im Wäg chömmid befreit woorde. Är hed zwoi grossi Zaareihe, ond sin Chopf erinneret liecht a d'Schädelform vomene Mönschenaff. 2010 hed er müesse uusträtte, wil är mit sinere zwöite Bänd "Stala & So." wott Karriere mache und dorum sin richtige Name öffentlich werd.

Awa: (Leena Paisa) (Au: Lady Awa de Paysant) D' Awa isch e Mischig zwüsche nere Häx und emene Geischt. Si isch sit 2005 i de Bäänd, als Nochfolgerin vo de Walkyre Enary. Si schpilt Kiibord. Im Mai 2007 hed d'Awa e noieri Mske überchoo. D'Maske isch zwor äänlich, aber aggressiver. Iri Maske isch, wie de Räscht vom Koschtüm au, wiiss. Sie häd en Rock us Fätze, damit ihre Gang schwäbend uusgseet.

Diskografii

Albe

• Get Heavy (2002)
• The Monsterican Dream (2004)
• The Monster Show (2005)
• The Arockalypse (2006)
• Deadache (2008)
• Zombilation - The Greatest Cuts (2009)
• Babez For Breakfast (2010)
• Scarchives Vol. 1 (2012)
• To Beast or Not To Beast (2013)
• Scare Force One (2014)
• Monstereophonic – Theaterror vs. Demonarchy (2016)
• Sexorcism (2018)
• Killection (2020)
• Lordiversity (2021)
• Screem Writers Guild (2023)
• Limited Deadition (2025)

Singles

• Would You Love a Monsterman? (2002)
• Devil is a Loser (2003)
• Blood Red Sandman (2004)
• My Heaven is Your Hell (2004)
• Hard Rock Hallelujah (2006)
• Who's your daddy? (2006)
• It snows in hell (2006)
• They only come out at night (2007)
• Beast Loose In Paradise (2008)
• Bite It Like a Bulldog (2008)
• Deadache (2008)
• This Is Heavy Metal (2010), als CD uf wenigi Stück limitiert, sunscht als Download kaufbar.
• Rock Police (2010)
• The Riff (2013)
• Nailed by the Hammer of Frankenstein (2014)
• Hug You Hardcore (2016)
• Your Tongue’s Got the Cat (2018)
• Naked in My Cellar (2018)
• Shake the Baby Silent (2019)
• I Dug a Hole in the Yard for You (2019)
• Like A Bee To The Honey (2020)
• Believe Me (2021)

Inoffizielli Demos ond Albe

• Napalm Market (1992)
• Inferno (1995)
• Bend over and prey the Lord (1999)

DVD's

• "Market Square Massacre" (Live-Konzert ond mehreri Videoclips, sowii en Horrorfilm namens "The Kin" (FSK 16), 30 min.) (2006)
• "Bringing Back The Balls To Stockholm 2006" (2007)
• "Dark Floors" En Horrorfilm, sowii Bonusmaterial. (2008)
• "Recordead Live – Sextourcism in Z7" (2018)

Weblinks

•  Commons: Lordi – Sammlig vo Multimediadateie
• lordi.fi
• Lordi bei Drakkar
• Lordi bei laut.de
• Bandportrait bei MusikBase