Gaan na inhoud

2023 Formule Een-seisoen

in Wikipedia, die vrye ensiklopedie
2023 FIA Formule Een Wêreldkampioenskapseisoen
Vorige: 2022 Volgende: 2024
Indeks van wedrenne volgens land en seisoen.
Formule 1 logo
Max Verstappen is die 2023-bestuurderskampioen in die F1-Wêreldkampioenskapsreeks.

Die 2023 FIA Formule Een-seisoen is 'n topwedrenreeks vir Formule Eenmotors. Dit is die 74ste bestaansjaar van Formule Een. Die seisoen sal uit 23 Grand Prix-wedrenne bestaan wat oor die hele wêreld (behalwe Afrika) plaasvind, en is geskeduleer om in Maart te begin en in November te eindig.

Bestuurders en spanne ding mee om die titels van onderskeidelik Wêreldbestuurderskampioen en Wêreldvervaardigerskampioen. Max Verstappen is die huidige wêreldbestuurderskampioen (sy tweede jaar), en Red Bull Racing die verdedigende wêreldkampioen vir vervaardigers nadat hulle hul vyfde wêreldkampioenskapstitel in 2022 verower het.

Algemeen

[wysig | wysig bron]

Tegniese regulasies

[wysig | wysig bron]

Na gereelde duikprobleme gedurende die 2022-seisoen, stel die FIA veranderinge aan die regulasies voor om oormatige duik te beperk. Die vloerhoogte bo die padoppervlak sal met 15 mm verhoog word en die agterkant van die verspreider sal ook verhoog word, met 'n verandering in hoogte wat nog bepaal moet word. Die styfheid van die verspreiderrand word verhoog en 'n ekstra sensor word verpligtend gemaak om die verskynsel beter te monitor.[1] Sydelingse vloerdefleksietoetse sal ook strenger word.[2]

Na Zhou Guanyu se ongeluk by die 2022 Britse Grand Prix, sal 'n afgeronde bokant op die rolstaaf nou vereis word, wat die waarskynlikheid verminder dat dit tydens 'n ongeluk in die grond sal grawe; 'n verandering sal aangebring word om 'n minimum hoogte vir 'n aanskakelpunt vir die homologasietoets te verseker; daar sal 'n nuwe fisiese homologasietoets wees waar die vrag die rolstaaf vorentoe stoot; daar sal 'n definisie wees van nuwe toetse wat deur berekening uitgevoer moet word.[1]

Sportregulasies

[wysig | wysig bron]

Met die doel om bandgebruik in die toekoms meer volhoubaar te maak, sal Formule 1 'n vermindering van toegekende bandestelle van 13 tot 11 by twee wedrenne in 2023 beproef. By hierdie wedrenne is die gebruik van bande verplig om as hard in K1, medium in K2 en sag in K3 te kwalifiseer, met die veronderstelling dat dit nie reën nie. Spanne is gewoonlik vry om te kies watter samestelling van bande hul gebruik tydens kwalifisering. [3]

Naelren

[wysig | wysig bron]

Die naelren-formaat sal vanaf hierdie seisoen by ses Grands Prix gehou word, anders as die drie in 2021 en 2022.[4] Hierdie naweke sluit 'n vrye oefensessie van 60 minute en volle kwalifisering op Vrydag in. Die uitslag van die kwalifisering bepaal watter bestuurder die term "paalposisie" ontvang vir Sondag. Op Saterdag is daar 'n verkorte kwalifisering wat die naelren-wegspringrooster bepaal voordat die naelren van 100 kilometer gehou word.[5]
Die eerste agt jaers verdien punte: Daar is 8 punte vir die wenner, 7 punte vir die tweede plek en verder aan tot 1 punt vir nommer agt. Die hoofren word Sondag gery, waarvan die wegspringposisie deur die uitslag van die naelren bepaal word.

Kalender

[wysig | wysig bron]
Lande wat 'n Grand Prix in 2023 aangebied het, word in groen gewys, voormalige lande is in donkergrys.
Rondte Grand Prix Baan Plek Datum
1 Bahreinse Grand Prix Bahrein Internasionale Renbaan Sakhir 5 Maart
2 Saoedi-Arabiese Grand Prix Djedda-straatrenbaan Djedda 19 Maart
3 Australiese Grand Prix Melbourne Grand Prix Renbaan Melbourne 2 April
4 Azerbeidjanse Grand Prix Bakoe-straatrenbaan Bakoe 30 April
5 Miami Grand Prix Miami International Autodrome Miami (Florida) 7 Mei
6 Monaco Grand Prix Monaco-renbaan Monaco 28 Mei
7 Spaanse Grand Prix Barcelona-Catalunya-renbaan Montmeló 4 Junie
8 Kanadese Grand Prix Gilles Villeneuve-renbaan Montreal (Quebec) 18 Junie
9 Oostenrykse Grand Prix Red Bull Ring Spielberg 2 Julie
10 Britse Grand Prix Silverstone-renbaan Silverstone 9 Julie
11 Hongaarse Grand Prix Hungaroring Mogyoród 23 Julie
12 Belgiese Grand Prix Circuit de Spa-Francorchamps Stavelot 30 Julie
13 Nederlandse Grand Prix Zandvoort-renbaan Zandvoort 27 Augustus
14 Italiaanse Grand Prix Autodromo Nazionale di Monza Monza 3 September
15 Singapoerse Grand Prix Marinabaai Straatrenbaan Singapoer 17 September
16 Japannese Grand Prix Suzuka Internasionale Renbaan Suzuka 24 September
17 Katarse Grand Prix Losail Internasionale Renbaan Lusail 8 Oktober
18 Verenigde State Grand Prix Circuit of the Americas Austin (Texas) 22 Oktober
19 Meksikostad Grand Prix Autódromo Hermanos Rodríguez Meksikostad 29 Oktober
20 São Paulo Grand Prix José Carlos Pace-renbaan São Paulo 5 November
21 Las Vegas Grand Prix Las Vegas Straatrenbaan Las Vegas (Nevada) 18 November
22 Aboe Dhabi Grand Prix Yas Marina-renbaan Yas-eiland 26 November

Inskrywings

[wysig | wysig bron]

Die volgende vervaardigers en jaers was onder kontrak om aan die Wêreldkampioenskap in 2023 deel te neem. Daar is van elke span vereis om ten minste twee jaers in te skryf, een vir elk van die twee verpligte motors. Pirelli bly steeds die enigste bandverskaffer vir die 2023-seisoen.

Inskrywer Vervaardiger Onderstel Enjin No. Renjaer Grands Prix
Alfa Romeo F1 Team Stake[6] Alfa Romeo-Ferrari C43[7] Ferrari 066/10[8] 24 Zhou Guanyu[9] 1–22
77 Valtteri Bottas[10] 1–22
Scuderia AlphaTauri AlphaTauri-Honda RBPT AT04[11] Honda H001[8] 21 Nyck de Vries[12] 1–10
3 Daniel Ricciardo[13] 11–13
18–22
40 Liam Lawson[14] 13–17
22 Yuki Tsunoda[15] 1–22
BWT Alpine F1-span Alpine-Renault A523[16] Renault E-Tech RE23[8] 10 Pierre Gasly[17] 1–22
31 Esteban Ocon[18] 1–22
Aston Martin Aramco
Cognizant Formule 1-span		 Aston Martin Aramco-Mercedes AMR23[19][20] Mercedes-AMG F1 M14
E Performance[8]		 14 Fernando Alonso[21] 1–22
18 Lance Stroll[22] 1–22
Scuderia Ferrari Ferrari SF-23 Ferrari 066/10[8][23] 16 Charles Leclerc 1–22
55 Carlos Sainz jr. 1–22
MoneyGram Haas F1-span Haas-Ferrari VF-23 Ferrari 066/10 20 Kevin Magnussen[24] 1–22
27 Nico Hülkenberg[25] 1–22
McLaren Formule 1-span McLaren-Mercedes MCL60 Mercedes-AMG F1 M14 4 Lando Norris[26] 1–22
81 Oscar Piastri[27] 1–22
Mercedes AMG Petronas F1-span Mercedes W14[28] Mercedes-AMG F1 M14
E Performance[8]		 44 Lewis Hamilton[29] 1–22
63 George Russell[30] 1–22
Oracle Red Bull Racing Red Bull Racing-Honda RBPT RB19[31] Honda H001 1 Max Verstappen[32] 1–22
11 Sergio Pérez[33] 1–22
Williams Racing Williams-Mercedes FW45[34] Mercedes-AMG F1 M14
E Performance		 2 Logan Sargeant[35] 1–22
23 Alexander Albon[36] 1–22
Bron: FIA[37][38]

Uitslae

[wysig | wysig bron]

Grands Prix

[wysig | wysig bron]